كيكة التفاح

الكمية تكفي: 12 شخصا
وقت التحضير: 20 دقيقة
وقت الطهي: 40 دقيقة
المقادير: 2 كوب دقيق
كوب سكر
كوب عصير برتقال او لبن
نصف كوب زيت درة
5 بيضات
معلقة بشر برتقال
نقطتين خل عشان ريحة البيض
معلقة كبيرة بكنج بودر
وفانيليا
التحضير:خلطة التفاح!!!
تفاحتين كبار متقشرين ومتقطعين قطع صغيرة
كوب ماء
3معالق سكر
ومعلقتين قرفة
نضعهم على بعض على نار هادية لغاية مايشرب الماية
ونجيب صينية مقاس 26 ونضع فيها 4 معالق سكر
ونضعها على النار لغاية السكر مايسيح ويبقى كرمل
ويكون لونة فاتح وياريت متقلبيهوش وهو فى الصينية
عشان ميكلكعش وبعد مايبرد نفرد فوقية خلطة التفاح
ونركن الصينية على جنب
ملحوظة يا بنات انا بعملها فى صينية استالس وماشاء الله مش بتلزق
لكن لو هتعمليها فى صينية الومنيوم اعملى الكراميل فى كسرولة برة ويكون لونة فاتح
لون العسل متسيبهوش يغمق يا قمر
وادهنى الصينية مادة دهنية بس من غير دقيق
وبعدين صبى الكرامل عليها عشان متلزقش منك
الطبخ: نضع كل المقادير السايلة مع بعض وتضربيهم لغاية الخليط مايتقل ولونة يفتح
ونكون ناخلين الدقيق مع البيكنج بودر ونضيفة شوية بشوية والتقليب من فوق لتحت
عشان الهوا مايخرجش من الكيكة
ونكون مسخنين الفرن واحنا بنشتغل
وبعدين نصب خليط الكيك فوق خليط التفاح اللى فى الصينية
وندخلها الفرن وهوسخن على درجة حرارة 180 درجة
وبتاخد حوالى 30 الى40 دقيقة فى الفرن
واياكى تفتحى عليها الفرن قبل تلت ساعة
الا تهبط يا جميل
واول ماتطلع من الفرن تقلبيها وهى سخنة
وترجعيها تانى الصينية وسبيها تبرد